Policia britanike ka mbetur e habitur kur ka mësyrë në një banesë në Nuneaton, Warwickshire, pasi rezultoi që shtëpia ishte shëndërruar në një fermë kanabisi me vlerë disa mijëra paund.
Mediat britanike raportojnë se efektivët që morën pjesë në këtë aksion u habitën pasi bimët e kanabisit ishin të mbështjella si pema e Krishtlindjeve.
Ata gjetën qindra bimë, shumë prej të cilave ishin të rreshtuara në rreshta dhe të lidhura si pemët e Krishtlindjeve.
Policia e Warwickshire tha se ata u lajmëruan për pronën pasi kishte dyshime për sasinë e madhe të nxehtësisë që po gjeneronte, pavarësisht se ajo ishte e papërdorur. Dy persona janë arrestuar nën dyshimin e kultivimit të kanabisit.
Policia e Nuneaton dhe Bedworth ndanë fotografi të fermës së kanabisit me stil festiv në Facebook.
“Kishte një burim të konsiderueshëm nxehtësie që vinte nga objekti i cili dukej se ishte i pashfrytëzuar. Oficerët shfrytëzuan kompetencat e policisë për të detyruar hyrjen duke arrestuar dy të dyshuar për kultivim kanabisi. Kjo rezultoi në heqjen e kanabisit me vlerë qindra mijëra paund nga rrugët dhe heqjen e një shqetësimi të rëndësishëm sigurie për pronat fqinje“, shkruan ata.
Disa banorë të qytetit komentuan në postim duke ironizuar mënyrën sesi ishin lidhur pemët e kanabisit me pet ë bardhë, duke i përngjarë bredhit të Krishtlindjeve.
Një komentues shkroi: “Do t’a marr një? Kam disa topa që duhet t’i përdor dhe ta rrethoj me drita”.
