Ka përfunduar ekspertiza mjeko ligjore për dy shqiptarët që mbetën të vrarë në një atentat në Greqi, Kreshnik Çerçizajt dhe Armando Ogranaja.
Në trupin e Kreshnik Çerçizajt janë gjetur 5 plumba. Kjo vërteton se ai ka qene objektiv i atentatit. Ndërkohë është gjetur vetëm një plumb në trupin e Armando Ogranaja.
Gjithashtu raportohet se vdekja e Armandos ka ardhur nga arresti kardiak dhe jo nga goditja me armë zjarri.
Po hetohet që urdhri për vrasje mund të jetë dhënë nga burgu.
Referuar të dhënave që vijnë nga mediat greke bëhet me dije se policia dhe prokuroria greke kanë nisur hetimet duke u bazuar në të shkuarën e dy viktimave.
Duke qenë se sipas policia ata të dy ishin me precedent kriminalë në fushën e narkotrafikut, si dhe të disa veprave të tjera të shkeljes së ligjit, po kërkohen shkaqet pikërisht në këtë fakt.
Autoritetet hetimore greke janë të qarta se bëhet fjalë se autori i krimit të rëndë të jetë shtetas shqiptar, ndërkohë që janë marrë një moti dëshmish dhe pamjesh filmike për të diktuar pamjen fizike trupore të personit që iu mori jetën dy shqiptarëve. Gjithashtu, policia greke këmbëngul se atentatori është person që i ka njohur të dy viktimat e veta dhe se dyshimet e para bien mbi prishjen e pazareve në fushën e drogës.
LEXO EDHE:
Atentati në Athinë/ Autori dhe dy shqiptarët kanë pasur miqësi? DETAJE nga hetimet
