Një 59-vjeçare ka pësuar djegie në trup pasi ka shkrepur aksidentalisht një armë gjahu.
Sipas policisë, shtetasja M. M., 59 vjeçe, dyshohet se gjatë zhvendosjes brenda banesës, së armës e cila është shkrepur aksidentalisht ka pësuar djegie të lehta në trup.
“Më datë 20.12.2022, në fshatin Shëngjergj, Maliq, shtetasja M. M., 59 vjeçe, dyshohet se gjatë zhvendosjes brenda banesës, së një arme gjahu (çifte), aksidentalisht arma është shkrepur dhe për pasojë kjo shtetase ka pësuar djegie të lehta në trup. 59-vjeçarja aktualisht po merr ndihmë mjekësore në spitalin e Korçës”, njofton policia.
Arma e gjahut (çifte) posedohej me leje nga bashkëshorti i 59-vjeçares. Grupi hetimor po punon për sqarimin e rrethanave të ngjarjes.
