Tifozët e Argjentinës sot ishin të papërmbajtshëm në festën e tyre për triumfin në Kupën e Botës teksa shoqëronin autobusin ku ishin Mesi dhe shokët e tij me trofeun e fituar dy net më parë në Katar.
Në një moment, autobusi po kalonte poshtë një ure dhe dy prej tifozëve bënë një çmenduri, duke tentuar të hidheshin në autobusin e hapur edhe pse lojtarët u bënë shenjë me dorë që të mos e provonin diçka kaq të rrezikshme.
I pari kërceu brenda në autobus dhe u kap menjëherë nga një nga personat e sigurisë të pranishëm në mjet.
Ndërsa i dyti nuk ishte aq me fat, pasi ra në pjesën e mbrapme të autobusit dhe përfundoi në asfalt, duke mbetur i lënduar në tokë.
