Nisma Thurje ishte paraditen e sotme para SPAK në shenjë proteste mbi disa kallëzime të dorëzuara prej saj që prej 2019. Përfaqësues të saj thanë se kishin ardhur për ti dorëzuar një kalendar kreut të ri të SPAK mbi disa prioritete dhe çështje të rëndësishme të cilat duhet të jenë në axhendën e tij.
“Pak vite më parë nisma “Thurje” erdhi këtu për të dorëzuar kallëzimin nr 1 dhe ishte për të denoncuar koncesionin e streilizimit. Sot bëhen pikërisht 3 vjet nga ky kallëzim dhe plot 8 vite nga nisja e kësaj afere. Siç e dini afatet proceduariale tejkalohen disa nga veprat parashkruhen dhe ata të cilët i kanë vjedhur shqiptarëve pasurinë e tyre bëhen të paprocedueshëm penalisht.
Sot është dhe dita e parë e punës e drejtuesit të ri të SPAK. I urojmë punë të mbarë dhe i kemi sjellë një kalendar për vitin 2023 që mund të varet në zyrë e të shërbejë si axhendë në të paktën 5 cështje.
Ky institucion mund ta nisi punën në vitin 2023 me kallëzimin e dorëzuar nga nisma Thurje më 23 nëntor 2019 për koncesionin e sterilizimit. Mund ta nisi punën me kallëzimin e bërë për koncesionin e incineratorëve”-tha një prej përfaqësuesve të nismës.
