Mediat greke kanë zbuluar skedën kriminale të një prej viktimave të atentatit të ndodhur mbrëmjen e djeshme në Nea Smyrni të Athinës.
Sipas tyre, 41-vjeçari Kreshnik Çerçizaj është arrestuar disa herë nga policia greke, për vepra të ndryshme kriminale si grabitje, kultivim droge dhe trafik klandestinësh.
Një të shkuar të errët ka edhe 44-vjeçari Armando Ogranja, personi tjetër i mbetur i vrarë në atentat.
Viktima që mori dy plumba në kokë ka të rejgistruar 4 precedentë penal në Greqi, por jo për vepra të rënda kriminale.
Skeda kriminale e Kreshnik Çerçizaj:
-Arrestuar në 2008 për “Vjedhje” dhe “Shkelje të ligjit mbi emigrantët” në bashkëpunim me një shtetas tjetër.
-Akuzuar në 2012 në bazë të shenjave të gishtërinjve së bashku me dy shtetas të tjerë të paidentifikuar, për grabitje në Janine ku morën një sasi të madhe të hollash.
-Arrestuar në janar 2013 në Kalithea, Athinë, me urdhër arresti nga autoritetet shqiptare për “Dhënie ndihmë për kalim të paligjshëm të kufirit në bashkëpunim me pasojë vdekje”.
-Në korrik 2016 është arrestuar në Korinth për “kultivim bimësh narkotike” dhe ishte me masë “detyrim paraqitje” dhe “ndalim dalje jashtë shtetit”.
