Ekzekutuesi gjakftohtë ka nxjerrë pistoletën nga xhupi i tij mbrëmjen e djeshme në një lokal në Athinë dhe ka qëlluar në drejtim të dy shqiptarëve, Kreshnik Çerçizaj 41-vjeç dhe Armando Ogranja, 44-vjeç, që qëndronin të ulur në tavolinë.
Çerçizaj mori 2 plumba në kokë dhe vdiq në vendngjarje, ndërsa Ogranja ndërroi jetë pasi u dërgua në spital.
E plagosur mbeti edhe një 31-vjeçare greke që ndodhej në lokal, e cila nuk kishte lidhje me dy viktimat. Mësohet se ajo është jashtë rrezikut për jetën dhe po trajtohet në spital.
Pak minuta më parë është publikuar një video e re ku shihet një prej shqiptarëve me shenja jete por me plagë të rënda, që më pas do ti mernin edhe jetën.
Mediat greke raportojnë se 44 vjeçari Ogranja kishte edhe më parë kërcënime, pasi kohët e fundit ndërronte lokale dhe mjete shumë shpesh, ndërsa për 41-vjeçarin Çercizaj dihet se ka qenë kontigjent krimi për çështje droge dhe vepra të tjera penale. Çerçizi ka qenë i dënuar më parë nga gjykata e Vlorës për dhënie ndihme në kalimin e paligjshëm të kufirit.
