Situata në Veri të Kosovës është tensionuar edhe më tepër gjatë ditës së sotme, teksa është mbajtur një protestë nga serbët në kufi.
Në këtë protestë u shënuan edhe incidente, si përplasje me policinë. Pikërisht për këto shfaqje ka reaguar edhe shefi i zyrës së presidentes së Kosovës, Blerim Vela.
Me një postim në Twitter, ai e ka konsideruar protestën si të organizuar nga Beogradi dhe se integriteti territorial i Kosovës është i pacënueshëm.
Vela shtoi se Kosova nuk do të bëhet pjesë e kësaj shfaqjeje të organizuar nga krahu i djathtë i politikës serbe.
“Protestuesit kaluan nga “nema predaje” (pa dorëzim) në “hajmo nazad” (të tërhiqemi)… Kjo tregon se sa e organizuar ishte kjo “protestë” e regjimit të Serbisë. Kosova nuk do të bjerë pas kësaj teatrale të krahut të djathtë të sponsorizuar nga Beogradi dhe Moska. Integriteti ynë territorial është i pacenueshëm”, shkruan ai.
