VIP-at e “Dancing With The Stars” kanë rrëfyer histori të tyre familjare. Një nga rrëfimet më emocionues ishte edhe ai i Isli Islamit i cili për herë të parë ka treguar historinë e dhimbshme të familjes së tij.
Moderatori ka treguar se prindërit e tij janë të divorcuar dhe kjo ka ardhur pas shumë vitesh dhunë fizike dhe psikologjike e abuzimi ndaj nënës së tij.
Më tej Islami shtoi se divorci i prindërve ishte gjëja më e mirë që mund të ndodhte pas shumë vuajtjesh të nënës së tij. Kjo e fundit sot ndodhet jashtë Shqipërisë për të jetuar. Ai tha se e admiron mënyrën se si e ëma ka arritur t’ia dalë pas gjithë atyre vuajtjeve.
Në të ardhmen Isli tha se dëshiron që këto që ka mësuar nga nëna, t’ja mund të transmetojë fëmijëve të tij, ndërsa në fund të rrëfimit dha mesazhin: “Falini njerëzit që ju kanë bërë të këqija, ata që ju kanë shkaktuar sepse nuk ka asgjë më të bukur se të falësh.”
