Argjentinasit janë njerëzit më të lumtur në tokë për momentin. Dhe e gjitha falë djemve që bënë një shfaqje të vërtetë në Lusail.
Argjentinasit e kanë pritur këtë moment që nga viti 1986, kur fituan për herë të fundit me Maradonën.
Dhe ky turne mban emrin e Leo Messit. Ai shënoi dy herë në finale dhe shtatë gjithsej në Katar. Plus tre asistime, si dhe u shpall ojtari më i mirë i turneut.
“Është e mahnitshme që ndodhi kështu”, tha Leo pas ndeshjes. “Doja shumë të fitoja. E dija që Zoti do të më lejonte ta bëja, e kisha atë ndjenjë. Le të gëzojmë fitoren tani!
Kjo është kupa e shumëpritur dhe ja ku është. Na u desh të kalonim shumë, por ia dolëm. Mezi pres të kthehem në Argjentinë, mund ta imagjinoj se çfarë lloj çmendurie do të ndodhë atje.
