“Tabloja” meteorologjike për vendin tonë do të ndryshojë në javën e re që do të nisim pas disa kohësh me mot të vranët dhe reshje shiu të dendura.
Gjatë javës në vijim mbi rajonin e Ballkanit (dhe një pjesë të Europës qëndrore) pritet të depërtojë Anticikloni Afrikan.
Ky depërtim i pazakontë pavarësisht se nuk do të sjellë mot “përvëlues”, do të bëjë që moti të jetë i kthjellët dhe temperatura relativisht më të larta se të zakonshmet e dimrit (vetëm vlerat e mesditës).
Në këtë mënyrë për të gjithë javën moti parashikohet i kthjellë në të gjithë territorin si dhe vranësira të paka kalimtare në relievet malore në lindje. Karakteristike për këtë javë do të jetë gjithashtu edhe mjegulla e dendur ose mjegullina në zonat luginore dhe ato fushore.
Temperaturat në vlerat minimale parashikohen me rënie madje në disa vende edhe në vlera negative ndërsa ato të mesditës parashikohen nga 6°C në relievet malore deri dhe në 17°C në ato të mesditës (shih tabelën bashkëngjitur).
