Policia në Napoli ka vënë në pranga një 39-vjeçar shqiptar, pasi ju zbulua një sasi prej 11 kg heroinë.
Shqiptari me inicialet E.G. është arrestuar pasditen e së martës, por lajmi është bërë publik vetëm më 15 dhjetor.
Sipas mediave lokale ai ka precedentë penalë të mëparshëm. 39-vjeçari u arrestua në Marano, teksa hynte me makinë në garazhin e një banese dhe më pas doli prej aty.
Gjatë kontrollit nga ana e policisë, atij iu sekuestruan 58 gr heroinë, 255 euro, një smartphone dhe çelësi i një apartamenti që ndodhej në pallatin nga ku sapo kishte dalë.
Agjentët mësynë në shtëpinë në fjalë dhe zbuluan aty 11 kg heroinë të ndarë në mbështjellje të ndryshme , 4 peshore precize dhe materiale të ndryshme për paketimin dhe prerjen e drogës.
