Një aksident i rëndë rrugor ka ndodhur në orët e vona të mbrëmjes së djeshme në “Unazën e Re” të Tiranës.
Mësohet se një makina ka dalë nga rruga shumë pranë daljes ku ndodhet xhamia e Farkës, në aksin TEG-Shkozë dhe për pasojë ka ndërruar jetë drejtuesi i saj Festim Hasa, 35 vjeç.
“Në aksin rrugor “TEG-Shkozë”, në mesnatë, në afërsi të xhamisë së Farkës, shtetasi F. H., 35 vjeç, ka humbur kontrollin mbi drejtimin e automjetit dhe për pasojë, automjeti ka dalë nga rruga dhe është përplasur me bordurën anësore të rrugës. Nga përplasja, 35-vjeçari ka humbur jetën”, njofton policia.
Sakaq, grupi hetimor vijon punën për zbardhjen e shkakut të këtij aksidenti.
