Alarmet për bombë në Maqedoninë e Veriut gjatë javëve të fundit kanë qenë të shpeshta, por ditën e sotme shqetësimi ka qenë i lartë për atë çka po ndodhte në Aeroportin e Shkupit.
Sipas mediave vendase, në e-mailin zyrtar të Aeroportit ka mbërritur një mesazh kërcënues se është vendosur bombë në ambientet e aeroportit.
Pas këtij mesazhi, autoritetet në Shkup kanë ndërhyrë duke anuluar përkohësisht të gjitha fluturimet nga aeroporti i kryeqytetit.
Forcat policore nga reparti për Antiterrorizëm ndodhen në vendngjarje ku po kryejnë inspektime.
Përveçse në aeroport ka pasur denoncime për bombë edhe në Federatën e Futbollit të Maqedonisë, në sallën “Boris Trajkovski” dhe hotelin “Aleksandar Palace”.
