Rreth 340 hektarë toke në Lezhë vijon të jetë në prezencë të ujit, si pasojë e reshjeve të shiut gjatë javës. Gjithashtu njoftohet se kuota e lumit Drin është 1.0 m nga +2.0 m kuota kritike.
“Hidrovori i Balldrenit punon në kuotën -1.35 m, ndërsa ka rreth 270 hektarë tokë të përmbytura. Hidrovori Tale punon në kuotën -1.2 m dhe ka rreth 20 hektarë tokë të përmbytur në kënetën Tresh-Spiten“, njoftojnë Emergjencat Civile.
Lezha dhe Shkodra janë dy qarqet më të prekura nga moti i keq dhe reshjet e dendura të shiut, ku dalja e lumenjëve nga shtrati shkakton përmbytje të rrugëve, banesave dhe tokave bujqësore.
