Një oficere policie në Florida, e cila u ekspozua ndaj një droge të rëndë siç është opioidi me fentanil kur ndaloi një makinë, ka pësuar mbidozë droge duke u shembur menjëherë në tokë.
Oficerja e repartit të qytetit Tavares ishte duke kryer kontrolle mesnatën e së martës së kaluar, kur në një nga makinat që ka ndaluar ka gjetur lëndë narkotike që i përkiste një prej pasagjerëve.
Pas arrestimit të poseduesit të drogës, efektivja e policisë është larguar nga vendi i ngjarjes. Por më vonë, në një komunikim radiofonik me një kolege, zëri i saj dukej veçanërisht i dobët dhe frymëmarrja e saj ishte e paqëndrueshme.
E shqetësuar, kolegia nxitoi të kontrollonte nëse ishte mirë.
“Kur makina e patrullës iu afrua për ta kontrolluar, panë se kolegia e tyre kishte rënë në tokë pa ndjenja dhe kuptuan se kishte nevojë për ndihmë të menjëhershme mjekësore”, thuhet në njoftimin përkatës për ngjarjen.
Dy nga oficerët që kryen kontrollin e mjetit morën tre doza NARCAN , një ilaç që përdoret zakonisht për të trajtuar problemet me frymëmarrjen të shkaktuara nga mbidoza e opioideve.
Më pas oficerja e prekur më rëndë u dërgua në spital, ku do të qëndrojë derisa të shërohet plotësisht.
“Unë e kam bërë këtë proces shumë herë”, tha Banick, e cila mbante doreza teksa merrej me drogën që gjeti në automjet.
“Por e keqja ndodh një herë dhe mjafton një sasi e vogël. Jam mirënjohëse që nuk isha vetëm dhe që mora ndihmë të menjëhershme”, shtoi ajo.
Oficeri Courtney Sullivan tha se Banick donte që videoja të publikohej në mënyrë që publiku të mund të shihte se sa e fuqishme dhe e rrezikshme është substanca që ata sekuestruan nga rruga.
