Një shqiptar ka ndërruar jetë në rrethana tragjike në Itali. Mësohet se 43-vjeçari Dritan Meçaj është asfiksuar teksa punonte në një kantinë vere.
Ngjarja e rëndë ka ndodhur të mërkurën 14 dhjetor, pak pas orës 11:30, në Cessalto brenda kantinës “Corvezzo”.
Në momentin e tragjedisë Mecaj po punonte brenda një rezervuari çeliku, në një autoklavë, që zakonisht përdoret për të ruajtur verën.
Niveli i lartë i dioksidit të karbonit ka qenë fatal për 43-vjeçarin. Pavarësisht se mjekët dhe infermierët ndërhynë menjëherë nuk ia arritën ta mbanin në jetë shqiptarin.
Dritan Mecaj jetonte prej shumë vitesh në Itali dhe punonte në vreshtat e “Corvezzo” që nga viti 1992 (pronari Renzo ishte president i futbollit të Trevisos).
Viktima ishte i martuar me një bashkëkombëase dhe ishte baba i një djali 11-vjeçar.
“Jemi të tronditur, ngushëllime të mëdha për familjen e tij. Ai ishte i punësuar prej vitesh, një punëtor i madh”, tha kryebashkiaku i Cessalto, Emanuele Crosato.
Për hetimet e rastit kanë ndërhyrë karabinierët e stacionit Cessalto dhe teknikët e Spisal të Ulss 2.
