Gjon Karrica, i njohur ndryshe si Lugati, ka rënë pre e një shakaje që çifti Urim dhe Alisa iu bënë banorëve. Alisa kërkoi vëmendjen e të gjithëve, për të bërë një lajmërim. Ajo u shpreh se është shtatzënë dhe menjëherë banorët nisën të bohorasin dhe shkuan shpejt për ta uruar. Mirëpo pas gjithë gëzimit dhe entuziazmit të banorëve, Alisa tha se e gjitha ishte një ‘prank’ (shaka).
Gjoni u revoltua me shakanë e çiftit dhe tha se: “Është shaka me nivel 0.0 shije. Nuk bëhen shaka me vdekje dhe lindje. I urrej njerëzit që duan të bëjnë gjithçka për pak vëmendje”– dhe sa i përket Alisës, u shpreh se i ka humbur respekti për të.
Më tej ai debatoi edhe me partnerin e Alisës, Urimin, i cili i doli në mbrojtje partneres së tij dhe i tha Gjonit që të “mos flasë ashtu me të” sepse “nuk e njeh kur nervikoset.”
Në një tjetër diskutim në oborr Gjoni ka vijuar me reagimet e tij, madje në një moment tha se “do të ikë nga shtëpia.” I gjithë ky reagim i Gjonit, nervozoi edhe Stresin.
