Detaje të reja janë zbardhur nga plagosja që ka ndodhur në orët e para të kësaj të enjteje në qytetin e Gramshit.
26-vjeçari Feta Bezati ka plagosur me thikë shtetasin Andi Dragoti, pasi më parë kanë qenë duke konsumuar alkool për disa orë në një lokal të zonës, në shoqërinë e njëri-tjetrit.
Sipas BW, ngjarja ka ndodhur rreth orës 03:00 të mëngjesit në një lokal në dalje të qytetit, me Bezatin dhe Dragotin që janë konfliktuar pasi kanë dalë jashtë, për shkak të një parakalimi.
Autori dhe i plagosuri (të dy në gjendje të dehur) kanë nisur të zihen për parakalimin, pasi njëri prej tyre i preu tjetrit rrugën me makinë.
Pas përplasjes verbale, autori ka goditur 4 herë me thikë 36-vjeçarin, i cili është dërguar në Spitalin e Traumës.
Njoftimi i policisë:
Goditi me thikë 36-vjeçarin, gjatë një konflikti të çastit, vihet në pranga autori.
Më datë 15.12.2022, në Gramsh, në një lokal, gjatë një konflikti të çastit, për motive të dobëta, shtetasi F. B., 28 vjeç, ka goditur me mjet prerës thikë, shtetasin A. D., 36 vjeç, banues në Gramsh, i cili është dërguar në Spitalin e Traumës, Tiranë, për ndihmë mjekësore të specializuar.
Menjëherë pas marrjes së njoftimit, shërbimet e Policisë kanë organizuar punën për kapjen e autorit. Brenda një kohe të shkurtër, shërbimet e Komisariatit të Policisë Grmash kanë shoqëruar në Komisariat dhe kanë arrestuar autorin e plagosjes, shtetasin F. B., 28 vjeç, për veprën penale “Vrasja me dashje”, mbetur në tentativë.
Nën drejtimin e Prokurorisë Elbasan vijon puna për zbardhjen e plotë të rrethanave të ngjarjes.
