Një banesë në fshatin Gorre të Kurbinit është përfshirë nga flakët rreth orës 03:00 të mëngjesit të sotëm.
Zjarrfikësit e Laçit kanë mbërritur menjëhere në vendngjarje, për të izoluar flakët.
Në banesë nuk ndodheshin familjarë, pasi është e pabanueshme. Siç mësohet zjarri është i qëllimshëm, pasi ky është rasti i dytë brenda pak kohesh.
Pranë ndodheshin disa banesa të tjera, por ndërhyrja e zjarrfikësve mundësoi izolimin e flakëve.
