Mbytja e një gomone me mbi 40 emigrantë në mesin e Kanalit anglez rreth orës 03:40 të mëngjesit të sotëm mund të shënojë një tragjedi të vërtetë.
Ky është paralajmërimi i fundit i mediave angleze, të cilat duke iu referuar burimeve raportojnë se do të ketë shumë viktima.
SkyNews bën me dije se një numër personash kanë vdekur në incidentin e rëndë pranë brigjeve të Kentit dhe se në gomone mund të kenë qenë deri në 50 persona.
“Kërkimet do të vazhdojnë gjatë gjithë ditës, por ekipet e shpëtimit nuk po kërkojnë më të mbijetuar, duke pasur parasysh temperaturën e ulët të ujit të detit”, raporton media britanike.
Ndërkohë për ngjarjen ka reaguar edhe Sekretarja e Brendshme e Britanisë së Madhe, Suella Braverman, e cila e konsideron incidentin si shumë shqetësues, por nuk zbulon detaje për operacionin e shpëtimit që ka nisur Roja Bregdetare dhe RNLI.
Braverman thotë se po mbahet “vazhdimisht e përditësuar” për situatën.
“Mendimet e mia të përzemërta janë me të gjithë ata që janë përfshirë”, shkruan ajo.
I am aware of a distressing incident in the Channel this morning and I am being kept constantly updated while agencies respond and urgently establish the full facts. My heartfelt thoughts are with all those involved.
— Suella Braverman MP (@SuellaBraverman) December 14, 2022
Edhe deputetja e Doverit Natalie Elphicke ka reaguar gjithashtu duke thënë se ka mbetur “e pikëlluar” për ngjarjen e rëndë të ndodhur sot në Kanalin e “La Manshit”.
I am very saddened to hear that lives are feared to have been lost following a small boat tragedy in the English Channel this morning.
My thoughts and prayers with all those involved.
— Natalie Elphicke MP (@NatalieElphicke) December 14, 2022
