Menjëherë pas eliminimit të Portugalisë nga Botërori, Cristiano Ronaldo është drejtuar për në Evropë.
Aktualisht, ai është lojtar i lirë, pasi u shkëput nga Manchester United dhe për këtë arsye, për të qëndruar në formë gjatë kësaj periudhe, është kthyer në Madrid.
Sipas “AS”, portugezi po stërvitet në Valdebebas, qendrën stërvitore të Real Madrid, pasi mori leje personalisht te Presidenti i klubit madrilen, Florentino Perez.
Kthimi i Ronaldos në Valdebebas befasoi shumë këtë mëngjes, me shumë lojtarë të akademisë të Real Madrid nxituan për të shkrepur foto me legjendën e klubit. Fakti që Ronaldo zgjodhi të stërvitej në Madrid te Valdebebas dhe klubi i dha leje, sugjeron se marrëdhënia mes palëve është e fortë.
