Kush dëshiron të shikojë ndeshjen e fundit të Lionel Messit në “Lusail Stadium” duhet t’i bëjë mirë llogaritë. Çmimet e biletave për ndeshjen e datës 18 mes Argjentinës dhe skuadrës fituese të çiftit Francë-Marok, po arrijnë yjet.
Gjithçka nis nga vendet më pak të lakmuara për më shumë se 515 euro dhe për të vijuar me rritjen progresive në 850 për vendet e mesme dhe deri në 1600 për stolat preferencialë shumë pranë fushës ose në tribunën e stadiumit që ka kushtuar rreth 3 miliardë dollarë.
Shifra që jo të gjithë mund t’i paguajnë por gjuetia për një stol në kompleksin magjik 80 mijë vendësh ku do të vihet në skenë spektakli final, sapo ka nisur.
