Është vetëm 18- vjeç dhe ka nisur aventurën më të madhe të jetës duke nënshkruar me klubin e Eintracht Frankfurt. Simon Simoni, i riu lezhjan i Dinamos ka hedhur të zezën mbi të bardhë duke arritur një nga transferimet më të bujshme të futbollit shqiptar në vitet e fundit.
600 mijë euro paguan klubi gjerman për lojtarin që do të transferohet në muajin janar ndërsa 400 të tjera mund t’i derdhë në bazë të arritjes së objektivave. 40 % e kësaj shume shkon për Shënkollin, klubi ku është rritur Simoni.
Portieri shqiptar vesh fanellën me numrin 41 dhe do të nënshkruajë për 4 sezone e gjysmë me klubin e shqiponjave.
