Sekretarja e Energjisë e SHBA-së, Jennifer Granholm, ka njoftuar “përparimin e jashtëzakonshëm shkencor” në përpjekjet e gjata me dekada për të zhvilluar energji të pakufishme të pastër nga shkrirja bërthamore, transmeton Anadolu Agency (AA).
“Thënë thjesht, kjo është një nga aktet shkencore më mbresëlënëse të shekullit të 21-të”, tha Granholm në laboratorin kombëtar ‘Lawrence Livermore’, një nga vendet e shumta në botë ku studiuesit janë përpjekur të zhvillojnë mundësinë e shfrytëzimit të energjisë nga shkrirja bërthamore.
Granholm tha se është “hera e parë e bërë ndonjëherë në një laborator kudo në botë”, duke shtuar se studiuesit kanë punuar në teknologji për më shumë se 60 vite.
Sipas sekretares amerikane të energjisë, përparimi forcon sigurinë kombëtare të SHBA-së dhe është një “hap i rëndësishëm më afër mundësisë së energjisë me zero karbon që fuqizon shoqërinë tonë”.
Ajo tha se energjia përmes shkrirjes mund të përdoret për të prodhuar energji elektrike të pastër për karburantet e transportit për të fuqizuar industrinë e rëndë dhe për një ekonomi të energjisë së pastër.
Sekretarja amerikane tha se investimet e sektorit privat dhe kërkimi i energjisë përmes shkrirjes tashmë po lulëzon, duke arritur në 3 miliardë dollarë vetëm vitin e kaluar. Ajo shtoi se kjo përmbush qëllimin e presidentit Joe Biden për të arritur shkrirjen komerciale brenda një dekada.
Grangolm njoftoi se Departamenti i Energjisë në muajin shtator investoi 50 milionë dollarë për një partneritetit publiko-privat për të filluar punën drejt pilot-projektimeve të impianteve të shkrirjes.
Shkrirja, që ndodh kur dy bërthama kombinohen për të formuar një bërthamë të re, sipas Departamentit të Energjisë së SHBA-së, ofron një burim të mundshëm të energjisë afatgjate që përdor furnizime të bollshme me karburant dhe nuk prodhon gazra serë ose mbetje radioaktive.
Departamenti amerikan tha se krijimi i kushteve për shkrirjen në Tokë përfshin gjenerimin dhe mbajtjen e plazmave të cilat janë gaze të nxehta që elektronet çlirohen nga bërthamat atomike.
/AA/
