Eskorta e kryeministrit të Kosovës, Albin Kurti u përfshi mbrëmjen e djeshme në një aksident automobilistik në zonën e Gjilanit.
Mëngjesin e kësaj të hëne policia ka zbuluar detaje mbi ngjarjen, duke saktësuar se makina që ishte pjesë e eskortës u aksidentua si pasojë e pakujdesisë së treguar nga drejtuesi i një makine civile.
Vetë Kurti nuk ka pësuar lëndime, por është plagosur lehtë një grua e cila ka qenë në makinën e aksidentuar.
“AKSIDENT TRAFIKU/Gjilan 11.12.2022, 18:37 Është raportuar për një aksident trafiku ku janë përfshirë një veturë civile dhe një veturë zyrtare, pasi që dyshohet se vetura civile nga pakujdesia ka shkaktuar aksidentin. Përveç dëmeve materiale lëndime trupore ka pësuar dyshuara dhe e njëjta është dërguar për tretman mjekësor dhe më pas është liruar në shtëpi”, njofton policia.
