Politikania serbe në Kosovë, Rada Trajkoviç, që kundërshton pushtetin në Serbi dhe “Listën Serbe” në Kosovë, e bën përgjegjës presidentin serb Aleksandër Vuçiç për sigurinë e saj dhe të familjes, që shprehet se e ka në rrezik.
Trajkoviç ka zbuluar se jo vetëm ajo është kërcënuar për faktin se pranoi të bëhej pjesë e kabinetit të qeverisë së Albin Kurtit, por po kërcënohen edhe fëmijët e saj.
“Një tjetër njoftim për publikun: që nga dje kanë ardhur kërcënime jo vetëm për mua, por edhe për fëmijët e mi”, ka shkruar Trajkoviç në Tëitter.
Ajo thotë se është identifikuar vendndodhja e kërcënuesve të saj dhe familjes së saj, ndërsa përgjegjës direkt bën Vuçiç.
“Le të shkruhet këtu: përgjegjësia e plotë për sigurinë e familjes sime dhe të vetes është e Presidentit të Serbisë”, thotë ajo.
Ndërkohë, pushteti në Serbi vazhdimisht e akuzon Trajkoviç për bashkëpunim me Qeverinë e Kosovës.
Još jedno obaveštenje za javnost: od juče pretnje stižu ne samo meni već i mojoj deci.
Lokacija onih koje šalju pretnje je identifikovana.
Neka ovde bude zapisano: puna odgovornost za bezbednost moje porodice i mene je na @avucic @predsednikrs
— Rada Trajkovic (@trajkovic_rada) December 12, 2022
