Armando Broja ka pësuar sot një dëmtim shumë të rëndë në një ndeshje miqësore që Çelsi ka zhvilluar në Abu Dabi ndaj Aston Vilës.
Sulmuesi shqiptar kërkoi të fitonte topin në sulm por pas një kontakti me një mbrojtës u rrëzua në tokë duke mbajtur gjurin mes dhimbjeve dhe u largua me barelë nga fusha e lojës.
Të gjithë menduan për një dëmtim të rëndë të tij dhe këtë situatë duket sikur e përforcon edhe pesimizimi i trajnerit të Çelsit, Graham Poter, i cili pas ndeshjes theksoi se situata nuk dukej shumë pozitive për sulmuesin e përfaqësueses shqiptare.
“Ishte situatë e pafat pasi mbeti i ngatërruar me lojtarin. Nuk duket pozitive për momentin. Ne mbajmë gishtat e kryqëzuar por ishte një dëmtim i çuditshëm”, tha trajneri i Çelsit pas përfundimit të sfidës.
