Reperi i njohur, Stresi është një ndër banorët më të pëlqyer në “Big Brother VIP Kosova”. Reperi i njohur ka bërë një deklaratë befasuese teksa po fliste me banorët e tjerë, ku tha se dëshiron që të rikthehet me ish bashkëshorten e tij, Keisi, pasi të dalë nga shtëpia e famshme.
“Shumica më kanë etiketuar Stresi është kështu, ama ky vend do të tregojë shumë për mua. Një, si një eksperiencë që vjen një herë në jetë dhe të tregoj kulturën dhe se si më kanë edukuar prindërit. Nuk jam ai që më kanë etiketuar shumë. Vij prej një familje të mirë dhe krenohem me nënën dhe babën që kam.
Arsyeja e dytë është që të njoh veten se kush jam dhe po mendoj që t’i jap shans vetes dhe me harruar disa gabime që kam bërë si dhe me shpresuar që pas BB të mund të bashkohem me ish bashkëshorten time.”, tha Stresi.
