Anëtari i Kryesisë së Partisë Demokratike të Kosovës, Adri Nurellari, ka reaguar pas konferencës për media që pati ministrja e Drejtësisë, Albulena Haxhiu. Nurellari ka thënë se Instituti për Mjekësi Ligjore është në varësi të Ministrisë së Drejtësisë dhe kjo do të thotë se Haxhiu do të duhej të jepte dorëheqje për këtë ngjarje të rëndë dhe të dyshimtë. Më tej, ai ka thënë se me standardet amatore të qeverisë Kurti, Haxhiu me siguri se do të dalë përsëri në protesta para institucionit që drejton.
Postimi i Plote:
Instituti për Mjekësi Ligjore është në varësi të Ministrisë së Drejtësisë, që do të thotë se në një qeveri normale me politikanë të përgjegjshëm Haxhiu do duhej të jepte dorëheqje për këtë ngjarje të rëndë e të dyshimtë. Mirëpo me standardet amatore e qeverisë Kurti me siguri ministrja Haxhiu do dalë përsëri në demostratë para institucionit që drejton.
Ndërkohë që sot ministrja e Drejtësisë, Albulena Haxhiu në një konferencë të jashtëzakonshme për media sot ka thënë se janë zhdukur mostrat e Astrit Deharit nga Laboratori i Toksikologjisë në kuadër të Institutit të Mjekësisë Ligjore.
