Një automjet në lëvizje është përfshirë nga flakët këtë të Mërkurë në autostradën Tiranë-Elbasan.
Nuk raportohet për persona të lënduar, por automjeti, siç duket nga pamjet e sjella nga “Boldnews.al”, është shkrumbuar plotësisht.
Është dashur ndërhyrja e forcave zjarrëfikëse për të shuar flakët, ndërkohë që një hetim ka nisur për zbardhjen e shkaqeve të rënies së zjarrit.
Paraprakisht, dyshohet se flakët janë shkaktuar nga një problem teknik në mjet.
