Deputeti demokrat Luçiano Boçi është shprehur se protesta po zhvillohet kundër kryeministrit Edi Rama dhe kundër qeverisë së tij e jo kundër samitit BE-Ballkan Perëndimor që po mbahet këtë të martë në Tiranë.
Në një prononcim për mediat, para se të hyn te në selinë blu, Boçi theksoi se domethënia e protestës është që të bëhen bashkë dhe të çrrënjosin regjimin.
“Qëllimin e kemi thënë, s’është pro samitit, pro vendimet të tij. Jemi kundër Ramës, kundër regjimit të tij, kundër shpopullimit. Domethënia është të bëhemi së bashku, për të çrrënjosur të keqen. Po përcaktojmë agjendën. Është një protestë në shumë demensione. Do protestojmë për lirinë e medias, me grabitjen e pronës publike, me portin e Durrësit. Shqiptarët nuk do të pranojnë regjimin e vendosur”, tha ai.
