Kanë nisur hetimet për incidentin që ndodhi këtë të martë ku kreu i Partisë Demokratike Sali Berisha u godit me grusht në fytyrë nga një person.
Autoritetet kanë rrethuar vendin që ka ndodhur ngjarja, ndërsa ekspertët po kryejnë ekzaminimet.
Ishte Gerti Shehu, 31-vjeç i cili sulmoi Berishën teksa ky i fundit ishte duke marshuar drejt bulevardit “Dëshmorët e Kombit” për të marrë pjesë në protestë.
Ai u ndalua menjëherë nga truprojat e Berishës dhe ndërkohë u dhunua nga mbështetës dhe simpatizantë të PD-së. 31-vjeçari u shoqërua nga policia dhe ndërkohë po merr mjekim në spitalin e Traumës.
