Lindita Nikolla është zëri i dytë nga radhët e mazhorancës qeverisëse që ka reaguar për sulmin ndaj kryedemokrati Sali Berisha gjatë protestës së sotme nga 31-vjeçari Gert Shehu.
Kryetarja e Kuvendit në reagimin zyrtar nënvizon se dënon dhunën e ushtruar ndaj deputetit të Kuvendit, organizator i protestës së sotme në Tiranë.
“Dhuna është e papranueshme në një shoqëri demokratike. Ushtruesit e dhunës duhet të marrin dënimin e merituar nga ligji. Prandaj inkurajoj organet ligjzbatuese dhe të drejtësisë të veprojnë pa hezitim dhe të zbatojnë ligjin ndaj dhunuesit të deputetit!”, shprehet Nikolla.
