Hetimet e nisura nga Prokuroria e Posaçme për aferën e inceneratorit të Fierit janë mbyllur zyrtarisht dhe të pandehurve u janë komunikuar akuzat.
Ish-deputeti i PS, Alqi Bllako akuzohet për korrupsion dhe shpërdorim detyre.
Mësohet se ish-ministri i Mjedisit Lefter Koka dhe Pëllumb Abeshi, Azem Shatëri, Erjon Murataj, Florjan Muçaj, Klodian Zoto si dhe Arenc Myrtezani janë lënë në qeli.
Ndërkohë, Sabina Cenameri si dhe Etleva Kondi janë lënë në “arrest shtëpie”.
Sakaq, Arben Dervishi, Regan Merdani, Robert Shabani, Gentian Zifla dhe Enver Sheshi edhe Alqi Bllako, kanë marrë gjithashtu masën “arrest me burg”.
Ndërsa në kërkim janë Arber Denizi, Juri Ymeraj, Silvester Dreza, Arjola Kodra, Luran Dusha dhe Xhuzepe Çiafalione.
Kujtojmë se për Alqi Bllakon, pas sekuestrimit të kompjuterit të tij, janë gjendur prova që e implikojnë në korrupsion të zyrtarëve të lartë.
Ish-deputeti ka shkëmbyer e-maile nga adresa e tij private me administratorin e kompanisë “Alb tek energy”, Klodian Zoton duke e informuar këtë të fundit edhe mbi procedurën e dhënies me koncension të Inceneratorit të Elbasanit.
Referuar hetimeve të kryera këto kontakte janë mbajtur në kohën që Bllako ushtronte detyrën e sekretarit të përgjithshëm në Ministrinë e Mjedisit dhe prokuroria ka dyshime se ish-depuetit të ketë paracaktuar garën duke shpallur fituese kompaninë që përfaqësohej nga Zoto.
