Më 6 dhjetor Tirana do të zhytet në një kaos të vërtetë.
Për shkak të frikës së ndonjë incidenti të mundshëm, Policia e Shtetit ka marrë masa të rrepta në kuadër të Samitit të BE-së ku në kryeqytetin shqiptar do të zbarkojnë liderët e Europës. Policia ka njoftuar bllokimin e disa prej rrugëve kryesore, ndërsa qytetarët pritet që për orë të tëra do të qëndrojnë në trafik.
Në krahun tjetër Drejtori i Policisë së Tiranës, Lorenc Panganika nuk pyet për bizneset private të cilat janë urdhëruar që për 3 ditë të ulin qepenat dhe subjektet të qëndrojnë të mbyllura. Gazetarja e njohur Ola Xama ka publikuar shkresën që i ka mbërritur një prej subjekteve që ndodhen pranë stadiumit “Air Albania” ku urdhërohet që marketi të mbyllet, madje policia këshillon pronarët e subjektit privat që të ndërpresin energjinë elektrike.
Xama në mënyrë ironike shkruan se në rast se shkëputet energjia elektrike për 3 ditë brenda në market atëherë do të helmohet e gjithë lagjia nga ushqimet që do të skadojnë.
“Biznesi mbyllet 3 dite.mI thuhet qe per ceshtje sigurie te fike dhe pajisjet e energjise elektrike.mPas samitit ose malli skarco, ose te helmohet gjithe lagjja.mFaleminderit Policia e Shtetit per suportin🙏🏻”, shkruan gazetarja Ola Xama.
