Brazili ka katërfishuar shifrat ndaj Koresë së Jugut. Për “Seleçaon” realizoi fillimisht Vinicious Junior në minutën e 8-të të takimit. Aksion nga krahu i djathtë në zonë, harkimi përfundon në anën tjetër te Vinicuis i cili pret daljen e portierit dhe pastaj çon topin në rrjetë.
Vetëm 6 minuta më vonë, Neymar dyfishon shifrat pasi u tregua i saktë nga pika e bardhë e penalltisë, 11 metërsh i fituar nga Riçarlison.
Për golin e tretë mendoi Richarlison në minutën e 29-të. Aksion spektakolar i “seleçao” i nisur dhe i finalizuar nga Riçarlison i cili çon topin në rrjetë me lehtësi.
Ndërkohë “oreksi” e latino-amerikanëve nuk ka të ndalur me Lucas Paqueta i cili realizon edhe golin e katërt duke futur në kasafortë fitoren.
