“Tifozja më e nxehtë në botë“, Ivana Knoll është shfaqur sërish me veshje provokuese në stadiumin “Ahmad Bin Ali” në vigjilje të sfidës mes Kroacisë dhe Belgjikës për të brohoritur për kombëtaren e saj të dashur, pavarësisht kritikave për stilin e saj.
Për më tepër modelja e zjarrtë është mburrur në rrjet se nuk i intereson nëse do të arrestohet për veshjen e saj seksi në Katar.
Ivana Knoll, e cila në një intervistë provokoi duke thënë se vendasit në Katar i duan zgjedhjet e saj të guximshme (pavarësisht ligjeve të modestisë) ndau foto të saj nga stadium në rrjetet sociale.
26-vjeçarja ka ndezur polemika me “zhveshjen” e saj, pasi është shfaqur edhe me bikini dhe një fustan mini me kuadrate në ngjyrat kombëtare të vendit të saj.
Edhe pse ka shkelur ligjet e Katarit për modestinë, modelja ka pranuar se nuk ka frikë të arrestohet nga policët.
Duke folur për TMZ Sports, ajo shpjegoi se nuk dëshiron të tregojë mungesë respekti ndaj popullit të Katarit, por mendon se të gjithë duhet të veshin çfarëdo që i përshtatet kulturës së tyre.
“Kurrë nuk kam pasur frikë se do të më arrestojnë se jam kjo që jam dhe nuk mendoj se mund të lëndoj dikë duke veshur bikini. Dhe nëse meritoj të arrestohem, atëherë hajdeni më arrestoni”, deklaroi ajo.
Ivana testoi fillimisht kufijtë e ligjeve të modestisë në Katar duke u shfaqur me një fustan të gjatë me shami kuq e bardhë me dekolte në ndeshjen e parë të Kroacisë.
Modelja gjithashtu u shfaq me një fustan mini me kuadrate përpara se të ndante pamjet e saj të veshura me rroba banje kuq e bardhë teksa po kalonte në një plazh në Katar.
“Vendasit më konfirmuan se mund të vesh çfarë të dua. Por nuk e dija që videoja ime me bikini duke ecur buzë detit do të bënte bujë. I gjithë vendi po flet për këtë. Të gjithë më njohin këtu dhe pashë që më pranuan”, shtoi ajo në intervistë.
