Kosova u trondit pasditen e djeshme nga një vrasje makabre që ndodhi në oborrin e QKUK-së. Një burrë dyshohet se vrau ish-gruan e tij shtatzënë, e cila ishte në ditët e fundit të lindjes. 35-vjeçarja me inicialet H.M nga Lipjani u vra para Klinikës së Gjinekologjisë.
Sokol Halili nga Shtimja, i cili dyshohet se kreu vrasjen e ish-gruas së tij shtatzënë, H.M, mbrëmjen e së mërkurës në oborrin e Klinikës së Gjinekologjisë në Qendrën Klinike Universitare të Kosovës (QKUK) ende nuk është arrestuar nga Policia e Kosovës. Burime nga policia e Kosoves thanë që nuk ende ndonjë informacion shtesë për rastin në fjalë.
Familjarët e të ndjerës kanë treguar se viktima dhe Halili kanë qenë të ndarë prej pesë muajsh Motra e viktimës tha se autoritetet kanë qenë të njoftuara për shkurorëzimin e 35-vjeçares dhe problemet me ish-bashkëshortin.
Një dëshmitar tjetrër i rastit ka treguar se si ndodhi vrasja e gruas shtatzëne në oborrin e Gjinekologjisë, në QKUK. Ai tregon se Halili ka ardhur krejtësisht i qetë dhe ka kryer vrasjen.
“Unë prej trafikes e kom pa tu ec në sekondë është afruar ky zotina, qaty ka kërsit alltia, ajo ka ra në tokë ai zotnia ka ikë anë tjetër. Fjalosje nuk ka pas as piskama, shumë thjesht e ka ba”, thotë dëshmitari i rastit.
Viktima iu kishte thënë infermierëve se po dilte deri tek kioskat në oborrin e QKUK-së për të blerë disa ushqime. Pasi kishte kryer blerjet, ajo ishte ulur për të pushuar pak tek ulëset në oborrin e Gjinekologjisë, kur më pas u shfaq ish-partneri i saj dhe i mori jetën.
