Botërori i Katarit ka një surprizë të hidhur tashmë, teksa Belgjika (katër pikë, vendi i 3-të) me yje e mbyll këtu rrugëtimin e saj në Katar, pas barazimit 0-0 me Kroacinë. Këta të fundit do vazhdojnë të jenë pjesë e kompeticionit, pasi pozicionohen në vendin e dytë me 5 pikë.
Sfida do niste me mjaft ritëm dhe ekipi i Dalic do ia dilte të fitonte një penallti me zgjuarsi, në minutën e 15-të. Gjithsesi, pas një rishikimi në sistemin VAR, 11-metërshi anulohet për pozicion jashtë loje.
Sërish kroatët në sulm në të 54-tën, me Luka Modricc që provoi të gjente golin por u ndal vetëm në fund nga pritja e Courtouis.
Mundësi e artë për të besuarit e Roberto Martinez në minutën e 60-të, por Romelu Lukaku bën më të vështirën, duke nxjerrë topin jashtë edhe pse porta ishte e boshatisur.
Rezultati do ishte i pandryshuar deri në fund, me Belgjikën që zhgënjen totalisht dhe duhet të nisë gjithccka nga e para. Ky është fundi i këtij brezi të “djajve të kuq” dhe jo aq i…bukur
Maroku ka arritur të fitojë me rezultatin 2 me 1 kundër Kanadasë, në përballjen e fundit të fazës së grupeve, të “Katar 2022”. Me fitimin e këtyre 3 pikëve, Maroku ka arritur të “rrëmbejë” vendin e parë të grupit E dhe të kalojë në fazën tjetër të Kupës së Botës, gjë e cila afrikanëve u kishte munguar prej 36 viteve.
Dominanca e marokenëve u duk që në fillimin e lojës, ku pas një gafe të portierit Borjan, në minutën e 4’ të lojës, mesfushori i Chelsea, Hakim Ziyech prej një distance relativisht të largët, godet dhe shënon. Edhe pse në epërsi, marokenët nuk ndaluan dhe në minutën e 23’, një pasim i Achraf Hakimit gjeti sulmuesin En-Nesyri, i cili një me një me portierin kanadez nuk zhgënjen dhe dyfishon rezultatin.
Goli i nderit për Kanadanë do të vinte po në pjesën e parë, ku pas një aksioni të shpejtë, në krahun e majtë, Buchanan kroson dhe mbrojtësi i Marokut, Nayef Aguerd e dërgon topin në rrjetën e portës së tij.
Renditja perfundimtare e Grupit F:
