Dy shqiptarë janë arrestuar në Nottingham të Britanisë së Madhe, pasi dyshohet se janë të përfshirë në një tentativë të dështuar për të kontrabanduar emigrantë shqiptarë drejt Britanisë së Madhe me skaf.
Arrestimet pasuan një operacion muajin e kaluar, ku policia belge parandaloi një gomone me fuqi të lartë duke u larguar nga bregu pranë qytetit të Nieuwpoort në Flanders.
Dymbëdhjetë shtetas shqiptarë u arrestuan, së bashku me dy burra nga Basingstoke në Hampshire. Ata u arrestuan nga autoritetet belge për kontrabandë me njerëz.
Oficerët e Agjencisë Kombëtare të Krimit të Mbretërisë së Bashkuar arrestuan gjithashtu një anëtar të tretë të dyshuar të grupit të krimit në Aylesbury, Buckinghamshire. Oficerët e NCA-së kanë arrestuar shqiptarët pas një bastisjeje në një pronë në Sherëood, Nottingham.
Dy burrat, të moshës 48 dhe 44 vjeç janë ndaluar me dyshimin se kanë ndihmuar në emigracionin e paligjshëm. Ata mbeten në paraburgim dhe po merren në pyetje.
