Presidenti i Republikës, Bajram Begaj mbështet “Ballkanin e Hapur” nëse në këtë nismë marrin pjesë të gjitha vendet e rajonit, përfshirë edhe Kosovën.
Gjatë një deklarate për mediat në krah të homologut të Republikës Federale të Gjermanisë Frank-Walter Steinmeier, Begaj tha se kjo nismë është pozitive nëse marrin pjesë të gjitha vendet e rajonit.
“Nuk i jap këshillë qeverisë se cilën nismë duhet të zgjedhë “Procesin e Berlinit” apo “Ballkanin e Hapur”. Qeveria shqiptare është e angazhuar për Ballkanin e Hapur i cili është një proces integral dhe nëse është gjithëpërfshirës sjell vetëm të mira dhe lirshmëri të lëvizjes dhe bashkëpunim ekonomik. Ballkani i Hapur është i mirëpranuar, cdo bashkëpunim rajonal është i mirëpritur”, tha Begaj.
