Qeveria iraniane thuhet se ka kërcënuar ekipin kombëtar të futbollit dhe familjet e lojtarëve. Shtetet e Bashkuara do të ndeshen ndaj Iranit sot në orën 20:00, në një ndeshje tepër të rëndësishme, ku amerikanët duhet të fitojnë që të kualifikohen, ndërsa Irani duhet të fitojë ose të barazojë.
Irani është përballur me protesta të vazhdueshme për më shumë se dy muaj, pasi një 22-vjeçare dyshohet se u vra në një stacion policie pasi nuk mbante hixhabin.
Kombëtarja e Iranit ka qendruar në krah të priotestuesve gjithë këtë periudhë. Para ndeshjes kundër Anglisë, ata qëndruan në heshtje gjatë himnit kombëtar të vendit, duke refuzuar të këndojnë.
“CNN” raportoi të hënën se familjet e lojtarëve të skuadrës iraniane janë kërcënuar me burg dhe tortura nëse lojtarët nuk sillen siç duhet kundër SHBA-së.
