Presidenti i Republikës së Shqipërisë Bajram Begaj ka uruar ditën e sotme të gjithë shqiptarët me rastin e 110-vjetorit të pavarësisë.
Gjatë ceremonisë së ngritjes së flamurit në qytetin e Vlorës, Begaj tha se historia e vendit ka qenë e mbushur me luftëra dhe sakrifica për liri, dije e progres, teksa shtoi se Shqipëria ka një rol udhëheqës për paqen dhe sigurinë në rajon dhe se të gjithë duhet të jemi të bashkuar dhe të bëjmë më shumë për Shqipërinë.
“Me gëzim dhe krenari Vlora lavdimadhe dhe heroike na fton për të kremtuar 110-vjetori ne shpalljes së Pavarësisë. Patriotë të mëdhenj dhe mendjendritur udhëhequr nga Ismail Qemali i dhanë atdheut vendin që i takonte në familje ne madhe të kombeve. Historia jonë është histori luftërash e sakrificash për liri, dije e progres. Pavarësia është dhe mbetet vepër e madhe e kombit shqiptar”, tha Begaj ndër të tjera.
