Tragjedia nga moti i keq që ka goditur disa rajone të Italisë është thelluar më tepër, teksa numri i të vdekurve ka arritur në shtatë.
Të gjitha viktimat janë shkaktur prej rrëshkitjes së dheut në Casamicciola të Ischias.
Përveç një gruaje të moshuar dhe një gruaje 31-vjeçare ekipet e emergjencës gjetën edhe trupat e tre fëmijëve dhe dy të rriturve të tjerë, ndoshta prindër të fëmijëve.
E para që u gjet ishte Eleonora Sirabella, 31-vjeçarja nga Ischia, trupi i së cilës u identifikua të shtunën.
Të dielën, megjithatë, u gjetën trupat e 11-vjeçarit Francesco Monti dhe motrës së tij Maria Teresa, që sapo kishte mbushur 6 vjeç. Pasdite u gjetën edhe trupat e Maurizio Scotto Di Minico, 32 vjeç, të gruas së tij Giovanna Mazzella, 30 vjeç dhe djalit të tyre të porsalindur Giovangiuseppe, i lindur më 4 nëntor.
Është gjetur edhe trupi i pajetë i Nikolinka Ganceva Bllagovës, 58 vjeçe, me kombësi bullgare.
Ndërkohë, në ishull vazhdohet të gërmohet në baltë për të gjetur 5 personat që janë ende të zhdukur. Ata janë tre anëtarë të një familje (dy prindërit dhe një i mitur, i lindur në 2007) që banojnë në rrugën “Celario 8” dhe dy persona të tjerë.
Sakaq pesë persona janë plagosur dhe numri i të evakuuarve është rrritur duke shkuar në 230 persona.
