Belgjika pësoi disfatë 0-2 nga Maroku, në ndeshjen e Botërorit të luajtur sot. Trajneri i belgëve, Roberto Martinez nuk ka fshehur zhgënjimin pas humbjes, teksa s’ka lënë pa kritikuar futbollistët.
“Goli ndryshoi rrënjësisht lojën dhe ne nuk ishim mjaftueshëm të mirë me topin për të goditur Marokun. Asnjëherë nuk hymë në zonë për të barazuar. Tani duhet të jemi të bashkuar. Unë e njoh mirë këtë grup, do të jemi gati për ndeshje kundër Kroacisë” – tha ai. Belgjika ka grumbulluar 3 pikë.
