Numri i azilkërkuesve që marrin mbështetje financiare nga shtetit në Britaninë e Madhe ka shkuar në 100,000 për herë të parë.
Të dhënat e Home Office treguan se 100,547 po merrnin ndihmë nga qeveria në fund të shtatoritm teksa në të njëjtën kohë një vit më parë numri ka qenë 69,000.
Shumica marrin akomodim falas dhe një pagesë jetese prej 40,85 £ në javë për çdo person në familjen e tyre.
Shifrat tregojnë gjithashtu se numri i kërkesave të reja për azil u rrit në 72,027.
Totali, i nxitur nga mbërritjet me gomone nga Franca veriore ishte gati dyfishi i totalit të vitit të kaluar dhe më i larti që nga viti 2003.
Ndërkohë, numri i prapambetur i kërkesave të azilit që nuk janë shqyrtuar nga Home Office është rritur me më shumë se 21,000 në tre muaj duke shkuar në 148,533.
Prej tyre, 143,377 raste janë në pritje të një vendimi fillestar dhe më shumë se 5,000 janë në pritje të rishqyrtimit”
Sipas DailyMail janë shqiptarët ata që përbëjnë pak më shumë se 1/3 e njerëzve të kapur duke kaluar Kanalin me gomone në nëntë muajt e parë të vitit.
Ata përbëjnë gjithashtu gati gjysmën e atyre të zbuluar në periudhën kohore korrik-shtator.
Është një rritje e mprehtë në krahasim me vitet e mëparshme, ku vetëm 3% e të ardhurve në vitin 2021 ishin me kombësi shqiptare dhe vetëm 1% në 2020.
Shifrat, të cilat janë publikuar nga Home Office tregojnë se ka pasur 33,029 persona të mbërritur me gomone në Mbretërinë e Bashkuar nga janari deri në shtator të këtij viti.
Nga ky total, 11,241 (35%) janë shtetas shqiptarë dhe pothuajse të gjithë këta kanë mbërritur që nga maji.
