Trajneri Ivan Gvozdenovic, e ka nisur me fitore, aventurën e tij te skuadra e Skënderbeut.
Skuadra korçare, ka mposhtur me rezultatin 3-0 Devollin në miqësore ditën e sotme. Dopieta e Dejan Liço dhe goli i Belajdi Pusit, i dhanë fitoren bardhekuqve, që duan të ndryshojnë fytyrë në Kategorinë e Parë, pasi objektivi është i qartë, të rikthehen në Superiore.
Me fitore e ka nisur edhe trajnerit Gentian Mezani te Laçi. Skuadra kurbinase, mposhti në miqësore Burrelin minimalisht. Golin e vetëm të sfidës, e shënoi sulmuesi Babatunde.
