Një vit më parë, Bora dhe Donaldi, bënë shumë bujë me historinë e tyre të dashurisë. Më 6 tetor të vitit 2021, Donaldi ishte brenda në “Big Brother VIP”, kur vendosi që t’i bënte një dhuratë moderatores.
Ata festonin 3-vjetorin e lidhjes, e për këtë arsye aktori vendosi brenda një kutie me ëmbëlsirë varësen e tij dhe e hodhi përtej murit. Dhurata shkoi në duart e Borës, e cila nuk ngurroi që ta tregonte për publikun.
Ajo e vendosi menjëherë në qafë, e madje u uroi fansave të saj një fundjavë të bukur me një foto ku tregonte se kishte varësen. Por ajo e hoqi kur Veshaj u lidh me këngëtaren Beatrix Ramosaj.
Tashmë që ata janë rikthyer sërish bashkë, aktori ka pyetur publikisht moderatoren se ku e ka varësen. Ai ka postuar në “Instastory” një foto të Zemanit ku ka varësen në qafë dhe e pyet: “Ku është kjo?”.
Bora ka vendosur që t’i kthejë përgjigje po publikisht dhe i shkruan: “Nuk ta jap më, kot interesohesh!”.
