Associated Press shkarkoi një nga gazetarët e saj hulumtues për raportimin e informacionit të rremë rreth raketës që ra në pjesën lindore të Polonisë në mes të luftës së vazhdueshme Rusi-Ukrainë.
LaPorta, 32 vjeç, u pushua nga puna pas një hetimi të shkurtër lidhur me raportin që ai paraqiti duke thënë se dy persona ishin vrarë kur “raketat ruse” ranë në Poloni, anëtare e NATO-s, dhe goditën një zonë pranë kufirit me Ukrainën, njoftoi Daily Beast.
Deklaratat zyrtare më vonë sqaruan se Moska, sipas të gjitha gjasave, nuk qëndron pas incidentit dhe se raketa, ndonëse e prodhimit rus, ndoshta është gjuajtur nga forcat e mbrojtjes kundërajrore të Ukrainës.
Rrëfimi i LaPorta-s i atribuohet informacionit të një “zyrtari të lartë të inteligjencës amerikane” pavarësisht rregullit të agjencisë së lajmeve që “kërkon në mënyrë rutinore më shumë se një burim kur burimi është anonim”, theksohet në faqen e internetit të agjencisë amerikane të lajmeve
